№ 6 хирургиялық бөлімше (нейрохирургия)

Бөлімше туралы

Бөлімше МОА А2 блогының 5-қабатында орналасқан, 25 төсек-орны бар. Бөлімшеде дәрігерлер ми мен жұлын аурулары мен жарақаттарын, омыртқаның дегенеративті және жарақатты зақымдануларын емдеуге бағытталған жоспарлы және шұғыл операциялардың барлық түрлерін жасайды. Операциялардың 90%-дан астамы ҚР азаматтарын госпитализациялаудың бірыңғай порталы арқылы тегін жасалады.

Біздің бөлімшенің базасында ҚР-да алғаш болып ашылған «Эпилепсия орталығы» мен «Қозғалыс бұзылыстарын емдеу орталығы» жұмыс істейді, онда көпсалалы команда эпилепсия, Паркинсон ауруы, тремор және дистонияны диагностикалау және операция арқылы емдеумен айналысады.

Бөлімше қызметтері

Вагус стимуляциялау жүйесін имплантациялау;
Экстратемпоралды резекциялар;
Инвазивті ЭЭГ;
Стереотаксиялық операциялар;
Нейронавигация, нейромониторинг, нейроэндоскопия жүйелерімен ісікті микрохирургиялық жолмен алып тастау;
Ісіктің эндоваскулярлық эмболизациясы;
Гибридті операциялар.