ШЕК МИКРОФЛОРАСЫ ЖӘНЕ ОНЫҢ ҚЫЗМЕТІ

Адамның ішек микрофлорасы – көптеген өмірлік маңызды функцияларды орындайтын организмнің құрамдас бөлігі. Микроорганизмдердің ең көп саны асқазан-ішек жолдарында, ал қалғандары теріде және несеп-жыныс жолдарында орналасады. Адам организмінде шамамен 3-4 кг микроорганизмдер бар, олардың 3 кг-ға дейіні ішекте болады. Асқазан-ішек олдарының әртүрлі бөліктерінде микроорганизмдердің саны әртүрлі (500-ден астам, олардың көпшілігі тоқ ішекте кездеседі).

Ішек микрофлорасы туғаннан қалыптасады, оның құрамы әр адамда әртүрлі болады. Өмірдің екінші жылының соңында микрофлора ересектердің деңгейіне жақындайды, ал егде жаста шағын өзгерістер орын алады.

Ішектің микроорганизмдерінің шамамен 90% тұрақты және негізгі микрофлораны құрайды, 10% - қосарласқан, ал 1% -дан азы кездейсоқ - бұл микроорганизмдер адамға агрессивті сипат танытады. Микрофлораның құрамы қалыпты болған жағдайда клостридиялар, әртүрлі стафилококктар және басқа да қоздырғыштар ішекте ұзақ сақталмайды.

Тоқ ішекте микрофлора (бифидобактериялар, бактериоидтар) әрқашан ең тұрақты және көп топ болып табылады, және негізгі функцияларды орындайды.

Асқорыту жолдарының микрофлорасының негізгі фукциялары:

• ішек перистальтикасын реттейді, эпителийді энергиямен қамтамасыз етеді, денені жылумен қамтамасыз етеді, эпителий тінін қалпына келтіреді.
• ішектің сілемейлі қабатының қорғаныш тосқауылын құрайды, патогенді микрофлораның өсуін басады.
• иммундық жүйені ынталандыру, жергілікті иммунитетті ынталандыру, иммуноглобулиндерді өндіру
• улы қосылыстарды детоксикациялау
• әртүрлі биологиялық белсенді қосылыстарды өндіру, кейбір дәрілік заттарды белсендіреді
• газ құрамын реттеу
• бағдарламаланған жасуша өлімін реттеу (апоптоз)
• су-тұз алмасуына қатысу, организмдегі иондық гомеостазды сақтау
• қорытылмаған көмірсулардың ашытуына, өт қышқылдарының реттелуіне, ақуыз бен май алмасуына қатысу

Бифидо- және лактобактериялар В дәрумендерінің, фолий қышқылының және ниациннің синтезіне қатыса отырып, дәрумен өндіруші функцияларды орындайды. Олар кальцийдің, D дәрумені мен К дәруменінің сіңуіне ықпал етеді, темірдің сіңуін жақсартады және аскорбин қышқылын синтездейді.

Escherichia coli рибофлавинді, фолий қышқылын, никотин қышқылын, пантотен қышқылын, тиаминді, пиридоксинді, биотинді, цианокобаламинді және К дәруменін синтездейді.

Микрофлораның қалыпты жұмыс істеуі тек жақсы физиологиялық денсаулық және, ең бастысы, жеткілікті тамақтану арқылы мүмкін болады.

Ішек микрофлорасы пребиотиктермен қоректенеді, олар асқазан-ішек жолдарының жоғарғы бөлігінен келіп, ағзаның өзінің ферменттік жүйелерімен қорытылмайды немесе аш ішекте сіңірілмейді. Олар пайдалы бактерияларға қорек ретінде қызмет етеді, олардың өсуі мен өмірлік функцияларын ынталандырады.

Теңгерімді тамақтанудың маңызды құрамдастарының бірі өсімдіктерде кездесетін талшық және асқазан-ішек бактерияларының негізгі ортасы болып табылады.

Маңызды!

Пребиотиктер ішек микрофлорасының әл-ауқатын қамтамасыз етеді және асқазан-ішек жолдарының денсаулығы мен жалпы адам денсаулығы үшін өте маңызды.