"Құрмет"орденімен марапатталған Әлия Төлеуова мен Айнаш Жүсіпованы құттықтаймыз!

Кеше, 2020 жылғы 14 желтоқсанда Қазақстан Республикасы Президентінің атынан Президенттік клиника директорының емхана жөніндегі орынбасары Әлия Төлеуова және арнайы қызмет көрсету қызметінің басшысы Айнаш Жүсіпова марапатталды. Марапаттауды Қазақстан Республикасы Президентінің Іс басқарушысы Ерлан Баттақов жүргізді!
 
Орден кавалерлері ретінде экономика, әлеуметтік сала, ғылым мен мәдениет, білім саласын дамытудағы түрлі еңбегі, мемлекеттік органдардағы үлгілі қызметі және белсенді қоғамдық қызметі үшін дараланған тұлғалар атанады.
 
Әлия Асылбекқызы мен Айнаш Ахайқызын лайықты марапатымен құттықтаймыз! Сіздерге мықты денсаулық, осынау қиын да ауыр еңбектеріңізге табыс пен жетістік тілейміз. Алар асуларыңыз биік болсын!