ҚР ПІБ МО Ауруханасында тұмау маусымына дайындық мақсатында медицина қызметкерлері аттестациядан өтті

ҚР ПІБ МО ауруханасында терапевт-дәрігерлер, хирургтар және мейірбикелердің қатысуымен тұмаудың эпидемиологиялық маусымына дайындық және халықты жаппай вакцинациялауға байланысты қызметкерлерді аттестациялау өтті.

Іс-шараның негізгі мақсаты - медициналық персоналдың профилактикалық және эпидемияға қарсы шараларды жүргізуге кәсіби дайындығын бағалау.

Аттестациялық комиссия құрамы:

Төлебаева Б. Г. – ПІБ МО санитарлық-эпидемиологиялық қадағалау басқармасының сарапшысы,

Тұңғышбаева Ж. О. – директор орынбасары,

Сатыбаева А. У. – алғашқы медициналық-санитарлық көмек қызметінің жетекшісі.

Комиссия қызметкерлердің тұмауды диагностикалау, алдын алу және емдеу, сондай-ақ вакцинацияны ұйымдастыру мәселелері бойынша білімін бағалады. Жиын қорытындысы бойынша біліктілікті арттыруға қатысты ұсыныстар айтылып, профилактикалық шараларды күшейту үшін басым бағыттар айқындалды.