Хабарландыру

Құрметті, «Қазақстан Республикасы Президентінің Іс Басқармасы Медициналық орталығының Ауруханасы» ШЖҚ РМК
резидентурасына түсу үміткерлері!

Аурухана резидентураға түсушілердің құжаттарын келесі білім беру бағдарламалары бойынша қабылдайды:

7R01101 Радиология

7R01102 Медициналық генетика

7R01103 Урология және андрология (ересектер, балалар)

7R01104 Кардиология (ересектер, балалар)

7R01105 Ересектердің онкологиясы

7R01106 Оториноларингология (ересектер, балалар)

7R01107 Гастроэнтерология (ересектер, балалар)

7R01109 Кардиохирургия (ересектер, балалар)

Резидентураға жоғары білім мен интернатураның білім беру бағдарламаларын меңгерген тұлғалар қабылданады.

Қажетті құжаттар тізімі

Оқуға түскісі келетіндер 2024 жылдың 03-25 шілдесі (09 шілдеден бастап офлайн түрде) аралығында Аурухананың қабылдау комиссиясына келесі құжаттарды тапсыруы керек:

1. Резидентураның бір білім беру бағдарламасы көрсетілген Аурухана директорының атына өтініш;
2. Жоғары білім туралы құжат (түпнұсқасы және қосымшаның көшірмесі);
3. Интернатураны бітіргені туралы куәлік (түпнұсқасы және көшірмесі);
4. Жеке басты куәландыратын құжат (түпнұсқасы және көшірмесі);
5. Өлшемі 3x4 сантиметр алты фотосурет (қиылған және кішкентай конвертке салынған);
6. Флюорографиядан өткені туралы карточкасы бар 075-У нысанындағы медициналық анықтама;
7. Кадрларды есепке алу жөніндегі жеке парақша (толтыру және фотосуретті желімдеу);
8. Еңбек өтілі бар адамдар үшін еңбек кітапшасы (түпнұсқасы және көшірмесі);
9. Ғылыми және ғылыми-әдістемелік жұмыстардың, дипломдардың, ғылыми конференциялар материалдарының тізімі (болған жағдайда);
10. Соңғы жұмыс/оқу орнынан басшының/кафедра меңгерушісінің/деканның ұсыныс хаты, қол қойылған және мөрмен расталған;
11. Денсаулық сақтау саласындағы маманның (дәрігердің) сертификаты (көшірмесі);
12. Қағаз құжат тігілетін папка (картон), файл (2 дана).

*3) және 8) тармақшаларда санамаланған құжаттардың түпнұсқалары мен көшірмелері ұсынылады, салыстырып тексерілгеннен кейін құжаттың түпнұсқасы түсушіге қайтарылады.

Құжаттар тізбесі толық ұсынылмаған жағдайда қабылдау комиссиясы оқуға түсушілерден құжаттарды қабылдамайды.

Резидентураға түсу емтихандары 2024 жылдың 08-16 тамыз аралығында билеттер бойынша ауызша түрде өтеді.

Резидентураға түсу үшін қабылдау емтиханы бағалаудың баллдық-рейтингтік әріптік жүйесі (БРӘЖ) шкаласының пайыздық мазмұнына сәйкес бағаланатын келесі бөлімдерді қамтиды:

1. Интернатурада оқу нәтижелері бойынша GPA
2. Интернатураның қорытынды мемлекеттік аттестациясын бағалау
3. Резидентураға түсу емтиханын бағалау (билеттің 1 сұрағы)
4. Резидентураға түсу емтиханын бағалау (билеттің 2 сұрағы)
5. Резидентураға түсу емтиханын бағалау (билеттің 3 сұрағы)

Оқу жетістіктерін бағалаудың баллдық-рейтингтік әріптік жүйесі

Әріптік жүйе бойынша бағалау	Ұпайлардың сандық эквиваленті	Пайыз мазмұны	Дәстүрлі жүйе бойынша бағалау
А	4,0	95-100	Өте жақсы
А-	3,67	90-94
В+	3,33	85-89	Жақсы
В	3,0	80-84
В-	2,67	75-79
С+	2,33	70-74
С	2,0	65-69	Қанағаттанарлық
С-	1,67	60-64
D+	1,33	55-59
D-	1,0	50-54
FХ	0,5	25-49	Қанағаттанарлықсыз
F	0	0-24

Резидентураға түсу үшін түсу емтиханының нәтижесі бес бөлім бойынша жалпы орташа балл болып табылады.

Резидентураға түсетін тұлғалардан апелляцияға берілетін өтініш оқуға түсушілердің жеке өзі апелляциялық комиссия төрағасының атына беріледі. Өтініштер түсу емтиханының нәтижелері жарияланғаннан кейін келесі күні сағат 13.00-ге дейін қабылданады және апелляциялық комиссия өтініш берілген күннен бастап бір күн ішінде қарайды.

Тұлғаларды резидентураға қабылдау білім беру бағдарламалары тобының бейіні бойынша түсу емтиханының қорытындысымен және 2024 жылғы 28 тамызға дейін ықтимал 100 балдан кемінде 75 балл жинаған жағдайда жүзеге асырылады.

Резидентурада бір жылдық оқу құны 1 250 000 теңгені құрайды (есепке алу алдында құнының 50% 2024 жылғы 25 тамызға дейін енгізіледі, күнтізбелік жылдың аяқталуына қарай құнының 50% 2024 жылғы 25 желтоқсанға дейін енгізіледі).

Құжаттар сағат 09.00-ден 17.00-ге дейін (түскі үзіліс 13.00-14.00) күн сайын дүйсенбіден сенбіге дейін Астана қаласы, Есіл ауданы, Е 495 көшесі, L блок, 6 қабат, 6.64 кабинетте қабылданады, телефон: 8 (7172) 70-79-52.