Хабарландыру

Ақылы оқу нысанынан бос білім беру грантына ауыстыру

«Радиология» мамандығы бойынша резидентурада жоғары оқу орнынан кейінгі білім алу процесінде босаған бос білім беру грантына (мемлекеттік білім беру тапсырысы) ауысуға конкурс жарияланады.

Конкурс ақылы білім беру нысанындағы дәрігер-резиденттер арасында ғылыми жұмысы, әлеуметтік жағдайы, отбасы құрамы туралы және т.б. ұсынылған құжаттарды ескере отырып, барлық оқу кезеңінде GPA негізіндегі аралық аттестаттау нәтижелері бойынша өткізіледі. Конкурсқа ақылы білім беру нысанындағы академиялық қарызы жоқ барлық дәрігер-резиденттер қатыса алады. ЖАО және/немесе өзге де ұйымдар есебінен ақылы негізде оқитындар оқуға ақы төлейтін тараптан бос білім беру гранттарын беру жөніндегі конкурсқа қатысуға рұқсаты бар келісім хат ұсынуға міндетті.

Дәрігер-резиденттер конкурсқа қатысуға өтінішті 2025 жылғы 31 шілдеге дейін Аурухана директорының атына береді.

Өтініштерді конкурстық комиссия 2025 жылғы 10 тамызға дейін қарастырады.

Білім беру грантын беру туралы соңғы шешім 2025 жылғы 18 тамызға дейін қабылданады.