2020 жылғы 4 қыркүйекте Президенттік клиниканың медбикелері пандемия кезіндегі жұмысы мен кәсібилігі үшін алғыс хаттармен марапатталды.
07.09.2020
Карантин кезінде көптеген адамдар өздерінің әдеттегі өмір салтын өзгертіп, жаңа жұмыс режиміне көшті. Біреулер үйден жұмыс істей бастады, ал біреулер бұрынғыдан да қарқынды режимде жұмыс істеді. Мәселен, карантин кезінде Президенттік клиниканың мейірбикелері коронавирустық инфекцияға ПТР анализ алу үшін пациенттерге баруларының саны 1500 реттен асты.
Осыған байланысты, 2020 жылғы 4 қыркүйекте Президенттік клиниканың келесі медбикелері пандемия кезіндегі жұмысы мен кәсібилігі үшін алғыс хаттармен марапатталды.
- Анар Қорғамбекова
- Ақжарқын Абдрасимова
- Жанерке Сырғақ
- Татьяна Симухина
- Амангүл Саттар
- Индира Көпжасарова
- Бақыт Биланова
- Гүлмира Жүгінісова
Алғыс хаттарды директордың ғылым және даму стратегиясы жөніндегі орынбасары Насрулла Абдуллаевич Шаназаров табыс етті.
Біз медбикелерді құттықтап, зор денсаулық, амандық және бақыт тілейміз!