ҚР ПІБ МО ауруханасының Эпилептология орталығы

ҚР ПІБ МО ауруханасында 2018 жылғы маусым айында Эпилептология орталығы ашылды. Орталық төрт деңгей бойынша жұмыс істейді. Бірінші деңгей – диагноз қою, екінші деңгей – пациентке ем тағайындау, жүргізу, үшінші деңгей – тексерулер, төртінші деңгей – хирургиялық ота жасау.

Орталықта жылына 1500-ден астам науқасқа консультация, мыңнан аса ЭЭГ тексерісі жүргізіледі, миға 30-ға жуық ашық нейрохирургиялық операция, 10-ға жуық стерео-ЭЭГ диагностикалық операциясы және кезбе нерв стимуляторын орнату операциялары жасалады.

Былтыр Орталық мидың терең аймақтарынан шығып жатқан эпилепсиялық ұстамаларды көріп, бақылауға болатын стерео-ЭЭГ деп аталатын извазиялық әдіс енгізді. Яғни мидың терең аймақтарына 8-ден 18-ге дейінгі контакттан тұратын электродтар қойылады.

Мұндай әдіс терең ми қыртыстарына орнатылып, ұстама ошағының қай жерде екенін көруге мүмкіндік береді. ҚР ПІБ МО ауруханасының Эпилептология орталығы дәрігерлері өткен жылы 10 адамға осындай ота жасады.