Ерлан Баттақов Президенттік клиниканың дәрігерлерін «Құрмет» орденімен марапаттады

Қазақстан Республикасы Тәуелсіздігінің 30 жылдығы қарсаңында ҚР Президентінің Іс Басқарушысы Президенттік клиниканың дәрігерлерін «Құрмет» орденімен марапаттады. Атаулы мерейтойлық мерекеде директордың емдік-диагностикалық жұмыс жөніндегі орынбасары Раушан Қарабаева, директордың стратегиялық даму, ғылым және білім жөніндегі орынбасары Насрулла Шаназаров және хирург-проктолог Фатима Борсова жоғары мемлекеттік наградаға ие болды.

Раушан Қарабаева медицина ғылымдарының докторы. Мамандығы - кардиолог. 2013 жылдан бастап директордың орынбасары қызметін атқарып келеді. АҚШ-тың Virginia Commonwealth University-де тағылымдамадан өткен.

Насрулла Шаназаров - медицина ғылымдарының докторы. Мамандығы - дәрігер-онколог. Насрулла Шаназаров Президенттік клиниканың бас онкологы. Онкологиялық ауруларды «фотодинамикалық терапия» әдісімен емдеумен айналысады.

Фатима Борсова медицина ғылымдарының кандидаты. Мамандығы - дәрігер-проктолог. Фатима Борсова Президенттік клиниканың ең мықты хирургтарының бірі.