ПІБ МОА командасы үстел теннисі бойынша ҚР ПІБ Медициналық орталығының ұйымдары арасында финалға шығып, қатысушымыз біріншіліктің үздік ракеткасы атанды.

Үстел теннисі және бильярд бойынша турнирлер «Оқжетпес» емдеу-сауықтыру кешенінде өтті, оған ҚР ПІБ МО ұйымдарының 6 командасы қатысты.

Біріншіліктің нәтижесі бойынша үстел теннисінен біздің командамыз финалда тек «Оқжетпес» емдеу-сауықтыру кешенінің командасына жол беріп, екінші орынға иеленді.

Күміс алқаға ғана ие болып қоймай, сондай-ақ, Алия Исабаева (бухгалтерлік есеп бөлімінің қызметкері) турнирдің үздік ракеткасы атанды.

МОА теннис бойынша командасын төмендегі қызметкерлер құрады:

Аслан Жунисбаев – ақпараттық технологиялар бөлімінің жетекшісі;

Аслан Айтимов – МТЖ (материалдық-техникалық жабдықтау) бөлімінің жетекші маманы;

Алия Исабаева – есеп үстелінің бухгалтері.

МОА бильярд бойынша командасына:

Дулат Кажыбаев – баспа ісінің бас маманы;

Жаксылык Ахметов - рентген-лаборанты;

Айгерим Жолымбетова – маркетинг және жарнама бөлімінің маманы кірді.