БАҚ біз туралы: Қазақстан делегациясы геронтология және гериатрия бойынша Еуропалық конгреске қатысуда

Каролин университеті (Швеция), Оксфорд университеті (Ұлыбритания), Бар Илан университеті (Израиль), Падуядағы нейроғылым институты (Италия) секілді жетекші еуропалық ғылыми орталықтардың көрнекті ғалымдары белсенді пікір алмасып жатыр.

Гетеборг қаласында (Швеция) Халықаралық геронтология және гериатрия  2019 қауымдастығының Өңірлік еуропалық конгресі өз жұмысын бастады. Конгресте биология мен медицинаны дамытудың іргелі мәселелері талқыланады, молекулалық биология мен генетиканың соңғы жетістіктері, белсенді ұзақ өмір сүру және салауатты қартаю үшін өмір сүру сапасын қамтамасыз етудің жаңа тәсілдері қарастырылады.

Каролин университеті (Швеция), Оксфорд университеті (Ұлыбритания), Бар Илан университеті (Израиль), Падуядағы нейроғылым институты (Италия) секілді жетекші еуропалық ғылыми орталықтардың көрнекті ғалымдары белсенді пікір алмасуда.

Конгрестің маңызды тақырыптары қартаю мен қартаюға қарсы мәселелерінің кең спектріне қатысты болды. Адам микробиотының бас миының когнитивті функцияларына, иммундық көрсеткіштерге, инфекциялық агенттерге деген резистенттілікке сәнді ықпалынан бастап егде жастағы адамдардың өмір сүру сапасына, жай-күйіне және денсаулық болжамына әсер ететін жас ерекшелігі бойынша кемсітушіліктің этикалық, философиялық сәттеріне дейін.

Қазақстан Республикасы Президенті Іс басқармасы Медициналық орталығының ауруханасы да осы іс-шараға қатысты. Профессор Валерий Бенберин, Президенттік клиниканың директоры және Геронтология мен гериатрияның еуразиялық қауымдастығының басшысы "Қазақ популяциясындағы метаболикалық синдроммен ассоциацияланған аурулардың генетикалық қатерінің ерекшеліктерін зерттеу" ғылыми жобасының дизайнын ұсынды.

- Бүкіл әлемде халықтың туылуы төмендегендіктен, дамыған елдерде бұл процес тез жүріп, өмір сүру ұзақтығы ұлғайып, халықтың қартаюы байқалады. 17 ғасырда жер бетінде қазіргі әлемде қарт адамдар санымен бірдей адам өмір сүрген. БҰҰ-ның жас жіктемесіне сәйкес, егер 65 жастан үлкен адамдардың үлесі 4%-дан аспайтын болса, онда мемлекет жас деп есептеледі. Егер бұл үлес 4-7% аралығында болса, онда ол қартаюға жақын. Қарт адамдары көп мемлекетте бұл үлес 7%-дан асады. 2018 жылы Қазақстанда ол тағы да 7%-дан асты. Назар аударыңыз, біздің елде қарт адамдардың тек 14% табиғи түрде, ресурстардың, ағзалар мен тіндердің сарқылуы орын алған кезде ғана өледі. 86%- жас, әлеуметтік маңызы бар аурулар есебінен мерзімінен бұрын өледі. Ең алдымен бұл - жүректің, коронарлық тамырлардың аурулары, үдемелі мультифокалдық атеросклероз, бас миының аурулары, оның тамырлары, қант диабеті, онкологиялық аурулар, метаболизмдік бұзылулар және тағы басқалар, - деп атап өтті Валерий Бенберин.

Валерий Бенберин, сондай-ақ, адамдардың денсаулығы аурудың алдын алудың, емдеудің және тиімді диагностиканың дұрыс әдістеріне байланысты екенін атап өтті. Мысалы, конгресте ұсынылған жобаның мақсаты молекулалық-генетикалық деректер негізінде метаболизмдік синдроммен байланысты аурулардың даму қаупін бағалауда дербестендірілген тәсілді әзірлеу болып табылады.

Конгресс 25 мамырға дейін жалғасады және геронтология мен гериатрия мәселелеріндегі мамандардың ірі кездесулерінің бірі болып табылады.

 

Дереккөз: https://www.zakon.kz/4970880-delegatsiya-kazahstana-prinimaet.html